देवी कवच (दुर्गा कवच) Devi Kavacham (Durga Kavach)

अथ देव्याः कवचम्atha devyāḥ kavacamஅத தேவ்யாஃ கவசம்

ॐ अस्य श्रीचण्डीकवचस्य ब्रह्मा ऋषिः अनुष्टुप् छन्दः चामुण्डा देवता अङ्गन्यासोक्तमातरो बीजम् दिग्बन्धदेवतास्तत्त्वम्oṃ asya śrīcaṇḍīkavacasya brahmā ṛṣiḥ anuṣṭup chandaḥ cāmuṇḍā devatā aṅganyāsoktamātaro bījam digbandhadevatāstattvamௐ அஸ்ய ஶ்ரீசண்டீகவசஸ்ய ப்ரஹ்மா ருஷிஃ அநுஷ்டுப் சந்தஃ சாமுண்டா தேவதா அங்கந்யாஸோக்தமாதரோ பீஜம் திக்பந்ததேவதாஸ்தத்த்வம்

श्रीजगदम्बाप्रीत्यर्थे सप्तशतीपाठाङ्गत्वेन जपे विनियोगः ।śrījagadambāprītyarthe saptaśatīpāṭhāṅgatvena jape viniyogaḥ |ஶ்ரீஜகதம்பாப்ரீத்யர்தே ஸப்தஶதீபாடாங்கத்வேந ஜபே விநியோகஃ ।

ॐ नमश्चण्डिकायै ॥oṃ namaścaṇḍikāyai ||ௐ நமஶ்சண்டிகாயை ॥

श्लोक 1

ॐ यद्गुह्यं परमं लोके सर्वरक्षाकरं नृणाम् ।oṃ yadguhyaṃ paramaṃ loke sarvarakṣākaraṃ nṛṇām |ௐ யத்குஹ்யம் பரமம் லோகே ஸர்வரக்ஷாகரம் ந்ருணாம் ।

यन्न कस्यचिदाख्यातं तन्मे ब्रूहि पितामह ॥ १ ॥yanna kasyacidākhyātaṃ tanme brūhi pitāmaha || 1 ||யந்ந கஸ்யசிதாக்யாதம் தந்மே ப்ரூஹி பிதாமஹ ॥ 1 ॥

श्लोक 2

अस्ति गुह्यतमं विप्र सर्वभूतोपकारकम् ।asti guhyatamaṃ vipra sarvabhūtopakārakam |அஸ்தி குஹ்யதமம் விப்ர ஸர்வபூதோபகாரகம் ।

देव्यास्तु कवचं पुण्यं तच्छृणुष्व महामुने ॥ २ ॥devyāstu kavacaṃ puṇyaṃ tacchṛṇuṣva mahāmune || 2 ||தேவ்யாஸ்து கவசம் புண்யம் தச்ச்ருணுஷ்வ மஹாமுநே ॥ 2 ॥

श्लोक 3

प्रथमं शैलपुत्री च द्वितीयं ब्रह्मचारिणी ।prathamaṃ śailaputrī ca dvitīyaṃ brahmacāriṇī |ப்ரதமம் ஶைலபுத்ரீ ச த்விதீயம் ப்ரஹ்மசாரிணீ ।

तृतीयं चन्द्रघण्टेति कूष्माण्डेति चतुर्थकम् ॥ ३ ॥tṛtīyaṃ candraghaṇṭeti kūṣmāṇḍeti caturthakam || 3 ||த்ருதீயம் சந்த்ரகண்டேதி கூஷ்மாண்டேதி சதுர்தகம் ॥ 3 ॥

श्लोक 4

पञ्चमं स्कन्दमातेति षष्ठं कात्यायनीति च ।pañcamaṃ skandamāteti ṣaṣṭhaṃ kātyāyanīti ca |பஞ்சமம் ஸ்கந்தமாதேதி ஷஷ்டம் காத்யாயநீதி ச ।

सप्तमं कालरात्रीति महागौरीति चाष्टमम् ॥ ४ ॥saptamaṃ kālarātrīti mahāgaurīti cāṣṭamam || 4 ||ஸப்தமம் காலராத்ரீதி மஹாகௌரீதி சாஷ்டமம் ॥ 4 ॥

श्लोक 5

नवमं सिद्धिदात्री च नवदुर्गाः प्रकीर्तिताः ।navamaṃ siddhidātrī ca navadurgāḥ prakīrtitāḥ |நவமம் ஸித்திதாத்ரீ ச நவதுர்காஃ ப்ரகீர்திதாஃ ।

उक्तान्येतानि नामानि ब्रह्मणैव महात्मना ॥ ५ ॥uktānyetāni nāmāni brahmaṇaiva mahātmanā || 5 ||உக்தாந்யேதாநி நாமாநி ப்ரஹ்மணைவ மஹாத்மநா ॥ 5 ॥

श्लोक 6

अग्निना दह्यमानस्तु शत्रुमध्ये गतो रणे ।agninā dahyamānastu śatrumadhye gato raṇe |அக்நிநா தஹ்யமாநஸ்து ஶத்ருமத்யே கதோ ரணே ।

विषमे दुर्गमे चैव भयार्ताः शरणं गताः ॥ ६ ॥viṣame durgame caiva bhayārtāḥ śaraṇaṃ gatāḥ || 6 ||விஷமே துர்கமே சைவ பயார்தாஃ ஶரணம் கதாஃ ॥ 6 ॥

श्लोक 7

न तेषां जायते किंचिदशुभं रणसंकटे ।na teṣāṃ jāyate kiṃcidaśubhaṃ raṇasaṃkaṭe |ந தேஷாம் ஜாயதே கிம்சிதஶுபம் ரணஸம்கடே ।

नापदं तस्य पश्यामि शोकदुःखभयं न हि ॥ ७ ॥nāpadaṃ tasya paśyāmi śokaduḥkhabhayaṃ na hi || 7 ||நாபதம் தஸ்ய பஶ்யாமி ஶோகதுஃகபயம் ந ஹி ॥ 7 ॥

श्लोक 8

यैस्तु भक्त्या स्मृता नूनं तेषां वृद्धिः प्रजायते ।yaistu bhaktyā smṛtā nūnaṃ teṣāṃ vṛddhiḥ prajāyate |யைஸ்து பக்த்யா ஸ்ம்ருதா நூநம் தேஷாம் வ்ருத்திஃ ப்ரஜாயதே ।

ये त्वां स्मरन्ति देवेशि रक्षसे तान्न संशयः ॥ ८ ॥ye tvāṃ smaranti deveśi rakṣase tānna saṃśayaḥ || 8 ||யே த்வாம் ஸ்மரந்தி தேவேஶி ரக்ஷஸே தாந்ந ஸம்ஶயஃ ॥ 8 ॥

श्लोक 9

प्रेतसंस्था तु चामुण्डा वाराही महिषासना ।pretasaṃsthā tu cāmuṇḍā vārāhī mahiṣāsanā |ப்ரேதஸம்ஸ்தா து சாமுண்டா வாராஹீ மஹிஷாஸநா ।

ऐन्द्री गजसमारूढा वैष्णवी गरुडासना ॥ ९ ॥aindrī gajasamārūḍhā vaiṣṇavī garuḍāsanā || 9 ||ஐந்த்ரீ கஜஸமாரூடா வைஷ்ணவீ கருடாஸநா ॥ 9 ॥

श्लोक 10

माहेश्वरी वृषारूढा कौमारी शिखिवाहना ।māheśvarī vṛṣārūḍhā kaumārī śikhivāhanā |மாஹேஶ்வரீ வ்ருஷாரூடா கௌமாரீ ஶிகிவாஹநா ।

लक्ष्मीः पद्मासना देवी पद्महस्ता हरिप्रिया ॥ १० ॥lakṣmīḥ padmāsanā devī padmahastā haripriyā || 10 ||லக்ஷ்மீஃ பத்மாஸநா தேவீ பத்மஹஸ்தா ஹரிப்ரியா ॥ 10 ॥

श्लोक 11

श्वेतरूपधरा देवी ईश्वरी वृषवाहना ।śvetarūpadharā devī īśvarī vṛṣavāhanā |ஶ்வேதரூபதரா தேவீ ஈஶ்வரீ வ்ருஷவாஹநா ।

ब्राह्मी हंससमारूढा सर्वाभरणभूषिता ॥ ११ ॥brāhmī haṃsasamārūḍhā sarvābharaṇabhūṣitā || 11 ||ப்ராஹ்மீ ஹம்ஸஸமாரூடா ஸர்வாபரணபூஷிதா ॥ 11 ॥

श्लोक 12

इत्येता मातरः सर्वाः सर्वयोगसमन्विताः ।ityetā mātaraḥ sarvāḥ sarvayogasamanvitāḥ |இத்யேதா மாதரஃ ஸர்வாஃ ஸர்வயோகஸமந்விதாஃ ।

नानाभरणशोभाढ्या नानारत्नोपशोभिताः ॥ १२ ॥nānābharaṇaśobhāḍhyā nānāratnopaśobhitāḥ || 12 ||நாநாபரணஶோபாட்யா நாநாரத்நோபஶோபிதாஃ ॥ 12 ॥

श्लोक 13

दृश्यन्ते रथमारूढा देव्यः क्रोधसमाकुलाः ।dṛśyante rathamārūḍhā devyaḥ krodhasamākulāḥ |த்ருஶ்யந்தே ரதமாரூடா தேவ்யஃ க்ரோதஸமாகுலாஃ ।

शङ्खं चक्रं गदां शक्तिं हलं च मुसलायुधम् ॥ १३ ॥śaṅkhaṃ cakraṃ gadāṃ śaktiṃ halaṃ ca musalāyudham || 13 ||ஶங்கம் சக்ரம் கதாம் ஶக்திம் ஹலம் ச முஸலாயுதம் ॥ 13 ॥

श्लोक 14

खेटकं तोमरं चैव परशुं पाशमेव च ।kheṭakaṃ tomaraṃ caiva paraśuṃ pāśameva ca |கேடகம் தோமரம் சைவ பரஶும் பாஶமேவ ச ।

कुन्तायुधं त्रिशूलं च शार्ङ्गमायुधमुत्तमम् ॥ १४ ॥kuntāyudhaṃ triśūlaṃ ca śārṅgamāyudhamuttamam || 14 ||குந்தாயுதம் த்ரிஶூலம் ச ஶார்ங்கமாயுதமுத்தமம் ॥ 14 ॥

श्लोक 15

दैत्यानां देहनाशाय भक्तानामभयाय च ।daityānāṃ dehanāśāya bhaktānāmabhayāya ca |தைத்யாநாம் தேஹநாஶாய பக்தாநாமபயாய ச ।

धारयन्त्यायुधानीत्थं देवानां च हिताय वै ॥ १५ ॥dhārayantyāyudhānītthaṃ devānāṃ ca hitāya vai || 15 ||தாரயந்த்யாயுதாநீத்தம் தேவாநாம் ச ஹிதாய வை ॥ 15 ॥

श्लोक 16

नमस्तेऽस्तु महारौद्रे महाघोर पराक्रमे ।namaste'stu mahāraudre mahāghora parākrame |நமஸ்தேஸ்து மஹாரௌத்ரே மஹாகோர பராக்ரமே ।

महाबले महोत्साहे महाभयविनाशिनि ॥ १६ ॥mahābale mahotsāhe mahābhayavināśini || 16 ||மஹாபலே மஹோத்ஸாஹே மஹாபயவிநாஶிநி ॥ 16 ॥

श्लोक 17

त्राहि मां देवि दुष्प्रेक्ष्ये शत्रूणां भयवर्द्धिनि ।trāhi māṃ devi duṣprekṣye śatrūṇāṃ bhayavarddhini |த்ராஹி மாம் தேவி துஷ்ப்ரேக்ஷ்யே ஶத்ரூணாம் பயவர்த்திநி ।

प्राच्यां रक्षतु मामैन्द्री आग्नेय्यामग्निदेवता ॥ १७ ॥prācyāṃ rakṣatu māmaindrī āgneyyāmagnidevatā || 17 ||ப்ராச்யாம் ரக்ஷது மாமைந்த்ரீ ஆக்நேய்யாமக்நிதேவதா ॥ 17 ॥

श्लोक 18

दक्षिणेऽवतु वाराही नैर्ऋत्यां खड्गधारिणी ।dakṣiṇe'vatu vārāhī nairṛtyāṃ khaḍgadhāriṇī |தக்ஷிணேவது வாராஹீ நைர்ருத்யாம் கட்கதாரிணீ ।

प्रतीच्यां वारुणी रक्षेद् वायव्यां मृगवाहिनी ॥ १८ ॥pratīcyāṃ vāruṇī rakṣed vāyavyāṃ mṛgavāhinī || 18 ||ப்ரதீச்யாம் வாருணீ ரக்ஷேத் வாயவ்யாம் ம்ருகவாஹிநீ ॥ 18 ॥

श्लोक 19

उदीच्यां पातु कौमारी ऐशान्यां शूलधारिणी ।udīcyāṃ pātu kaumārī aiśānyāṃ śūladhāriṇī |உதீச்யாம் பாது கௌமாரீ ஐஶாந்யாம் ஶூலதாரிணீ ।

ऊर्ध्वं ब्रह्माणि मे रक्षेदधस्ताद् वैष्णवी तथा ॥ १९ ॥ūrdhvaṃ brahmāṇi me rakṣedadhastād vaiṣṇavī tathā || 19 ||ஊர்த்வம் ப்ரஹ்மாணி மே ரக்ஷேததஸ்தாத் வைஷ்ணவீ ததா ॥ 19 ॥

श्लोक 20

एवं दश दिशो रक्षेच्चामुण्डा शववाहना ।evaṃ daśa diśo rakṣeccāmuṇḍā śavavāhanā |ஏவம் தஶ திஶோ ரக்ஷேச்சாமுண்டா ஶவவாஹநா ।

जया मे चाग्रतः पातु विजया पातु पृष्ठतः ॥ २० ॥jayā me cāgrataḥ pātu vijayā pātu pṛṣṭhataḥ || 20 ||ஜயா மே சாக்ரதஃ பாது விஜயா பாது ப்ருஷ்டதஃ ॥ 20 ॥

श्लोक 21

अजिता वामपार्श्वे तु दक्षिणे चापराजिता ।ajitā vāmapārśve tu dakṣiṇe cāparājitā |அஜிதா வாமபார்ஶ்வே து தக்ஷிணே சாபராஜிதா ।

शिखामुद्योतिनी रक्षेदुमा मूर्ध्नि व्यवस्थिता ॥ २१ ॥śikhāmudyotinī rakṣedumā mūrdhni vyavasthitā || 21 ||ஶிகாமுத்யோதிநீ ரக்ஷேதுமா மூர்த்நி வ்யவஸ்திதா ॥ 21 ॥

श्लोक 22

मालाधरी ललाटे च भ्रुवौ रक्षेद् यशस्विनी ।mālādharī lalāṭe ca bhruvau rakṣed yaśasvinī |மாலாதரீ லலாடே ச ப்ருவௌ ரக்ஷேத் யஶஸ்விநீ ।

त्रिनेत्रा च भ्रुवोर्मध्ये यमघण्टा च नासिके ॥ २२ ॥trinetrā ca bhruvormadhye yamaghaṇṭā ca nāsike || 22 ||த்ரிநேத்ரா ச ப்ருவோர்மத்யே யமகண்டா ச நாஸிகே ॥ 22 ॥

श्लोक 23

शङ्खिनी चक्षुषोर्मध्ये श्रोत्रयोर्द्वारवासिनी ।śaṅkhinī cakṣuṣormadhye śrotrayordvāravāsinī |ஶங்கிநீ சக்ஷுஷோர்மத்யே ஶ்ரோத்ரயோர்த்வாரவாஸிநீ ।

कपोलौ कालिका रक्षेत्कर्णमूले तु शाङ्करी ॥ २३ ॥kapolau kālikā rakṣetkarṇamūle tu śāṅkarī || 23 ||கபோலௌ காலிகா ரக்ஷேத்கர்ணமூலே து ஶாங்கரீ ॥ 23 ॥

श्लोक 24

नासिकायां सुगन्धा च उत्तरोष्ठे च चर्चिका ।nāsikāyāṃ sugandhā ca uttaroṣṭhe ca carcikā |நாஸிகாயாம் ஸுகந்தா ச உத்தரோஷ்டே ச சர்சிகா ।

अधरे चामृतकला जिह्वायां च सरस्वती ॥ २४ ॥adhare cāmṛtakalā jihvāyāṃ ca sarasvatī || 24 ||அதரே சாம்ருதகலா ஜிஹ்வாயாம் ச ஸரஸ்வதீ ॥ 24 ॥

श्लोक 25

दन्तान् रक्षतु कौमारी कण्ठदेशे तु चण्डिका ।dantān rakṣatu kaumārī kaṇṭhadeśe tu caṇḍikā |தந்தாந் ரக்ஷது கௌமாரீ கண்டதேஶே து சண்டிகா ।

घण्टिकां चित्रघण्टा च महामाया च तालुके ॥ २५ ॥ghaṇṭikāṃ citraghaṇṭā ca mahāmāyā ca tāluke || 25 ||கண்டிகாம் சித்ரகண்டா ச மஹாமாயா ச தாலுகே ॥ 25 ॥

श्लोक 26

कामाक्षी चिबुकं रक्षेद् वाचं मे सर्वमङ्गला ।kāmākṣī cibukaṃ rakṣed vācaṃ me sarvamaṅgalā |காமாக்ஷீ சிபுகம் ரக்ஷேத் வாசம் மே ஸர்வமங்கலா ।

ग्रीवायां भद्रकाली च पृष्ठवंशे धनुर्धरी ॥ २६ ॥grīvāyāṃ bhadrakālī ca pṛṣṭhavaṃśe dhanurdharī || 26 ||க்ரீவாயாம் பத்ரகாலீ ச ப்ருஷ்டவம்ஶே தநுர்தரீ ॥ 26 ॥

श्लोक 27

नीलग्रीवा बहिःकण्ठे नलिकां नलकूबरी ।nīlagrīvā bahiḥkaṇṭhe nalikāṃ nalakūbarī |நீலக்ரீவா பஹிஃகண்டே நலிகாம் நலகூபரீ ।

स्कन्धयोः खड्गिनी रक्षेद् बाहू मे वज्रधारिणी ॥ २७ ॥skandhayoḥ khaḍginī rakṣed bāhū me vajradhāriṇī || 27 ||ஸ்கந்தயோஃ கட்கிநீ ரக்ஷேத் பாஹூ மே வஜ்ரதாரிணீ ॥ 27 ॥

श्लोक 28

हस्तयोर्दण्डिनी रक्षेदम्बिका चाङ्गुलीषु च ।hastayordaṇḍinī rakṣedambikā cāṅgulīṣu ca |ஹஸ்தயோர்தண்டிநீ ரக்ஷேதம்பிகா சாங்குலீஷு ச ।

नखाञ्छूलेश्वरी रक्षेत्कुक्षौ रक्षेत्कुलेश्वरी ॥ २८ ॥nakhāñchūleśvarī rakṣetkukṣau rakṣetkuleśvarī || 28 ||நகாஞ்சூலேஶ்வரீ ரக்ஷேத்குக்ஷௌ ரக்ஷேத்குலேஶ்வரீ ॥ 28 ॥

श्लोक 29

स्तनौ रक्षेन्महादेवी मनः शोकविनाशिनी ।stanau rakṣenmahādevī manaḥ śokavināśinī |ஸ்தநௌ ரக்ஷேந்மஹாதேவீ மநஃ ஶோகவிநாஶிநீ ।

हृदये ललिता देवी उदरे शूलधारिणी ॥ २९ ॥hṛdaye lalitā devī udare śūladhāriṇī || 29 ||ஹ்ருதயே லலிதா தேவீ உதரே ஶூலதாரிணீ ॥ 29 ॥

श्लोक 30

नाभौ च कामिनी रक्षेद् गुह्यं गुह्येश्वरी तथा ।nābhau ca kāminī rakṣed guhyaṃ guhyeśvarī tathā |நாபௌ ச காமிநீ ரக்ஷேத் குஹ்யம் குஹ்யேஶ்வரீ ததா ।

पूतना कामिका मेढ्रं गुदे महिषवाहिनी ॥ ३० ॥pūtanā kāmikā meḍhraṃ gude mahiṣavāhinī || 30 ||பூதநா காமிகா மேட்ரம் குதே மஹிஷவாஹிநீ ॥ 30 ॥

श्लोक 31

कट्यां भगवती रक्षेज्जानुनी विन्ध्यवासिनी ।kaṭyāṃ bhagavatī rakṣejjānunī vindhyavāsinī |கட்யாம் பகவதீ ரக்ஷேஜ்ஜாநுநீ விந்த்யவாஸிநீ ।

जङ्घे महाबला रक्षेत्सर्वकामप्रदायिनी ॥ ३१ ॥jaṅghe mahābalā rakṣetsarvakāmapradāyinī || 31 ||ஜங்கே மஹாபலா ரக்ஷேத்ஸர்வகாமப்ரதாயிநீ ॥ 31 ॥

श्लोक 32

गुल्फयोर्नारसिंही च पादपृष्ठे तु तैजसी ।gulphayornārasiṃhī ca pādapṛṣṭhe tu taijasī |குல்பயோர்நாரஸிம்ஹீ ச பாதப்ருஷ்டே து தைஜஸீ ।

पादाङ्गुलीषु श्री रक्षेत्पादाधस्तलवासिनी ॥ ३२ ॥pādāṅgulīṣu śrī rakṣetpādādhastalavāsinī || 32 ||பாதாங்குலீஷு ஶ்ரீ ரக்ஷேத்பாதாதஸ்தலவாஸிநீ ॥ 32 ॥

श्लोक 33

नखान् दंष्ट्राकराली च केशांश्चैवोर्ध्वकेशिनी ।nakhān daṃṣṭrākarālī ca keśāṃścaivordhvakeśinī |நகாந் தம்ஷ்ட்ராகராலீ ச கேஶாம்ஶ்சைவோர்த்வகேஶிநீ ।

रोमकूपेषु कौबेरी त्वचं वागीश्वरी तथा ॥ ३३ ॥romakūpeṣu kauberī tvacaṃ vāgīśvarī tathā || 33 ||ரோமகூபேஷு கௌபேரீ த்வசம் வாகீஶ்வரீ ததா ॥ 33 ॥

श्लोक 34

रक्तमज्जावसामांसान्यस्थिमेदांसि पार्वती ।raktamajjāvasāmāṃsānyasthimedāṃsi pārvatī |ரக்தமஜ்ஜாவஸாமாம்ஸாந்யஸ்திமேதாம்ஸி பார்வதீ ।

अन्त्राणि कालरात्रिश्च पित्तं च मुकुटेश्वरी ॥ ३४ ॥antrāṇi kālarātriśca pittaṃ ca mukuṭeśvarī || 34 ||அந்த்ராணி காலராத்ரிஶ்ச பித்தம் ச முகுடேஶ்வரீ ॥ 34 ॥

श्लोक 35

पद्मावती पद्मकोशे कफे चूडामणिस्तथा ।padmāvatī padmakośe kaphe cūḍāmaṇistathā |பத்மாவதீ பத்மகோஶே கபே சூடாமணிஸ்ததா ।

ज्वालामुखी नखज्वालामभेद्या सर्वसन्धिषु ॥ ३५ ॥jvālāmukhī nakhajvālāmabhedyā sarvasandhiṣu || 35 ||ஜ்வாலாமுகீ நகஜ்வாலாமபேத்யா ஸர்வஸந்திஷு ॥ 35 ॥

श्लोक 36

शुक्रं ब्रह्माणि मे रक्षेच्छायां छत्रेश्वरी तथा ।śukraṃ brahmāṇi me rakṣecchāyāṃ chatreśvarī tathā |ஶுக்ரம் ப்ரஹ்மாணி மே ரக்ஷேச்சாயாம் சத்ரேஶ்வரீ ததா ।

अहंकारं मनो बुद्धिं रक्षेन्मे धर्मधारिणी ॥ ३६ ॥ahaṃkāraṃ mano buddhiṃ rakṣenme dharmadhāriṇī || 36 ||அஹம்காரம் மநோ புத்திம் ரக்ஷேந்மே தர்மதாரிணீ ॥ 36 ॥

श्लोक 37

प्राणापानौ तथा व्यानमुदानं च समानकम् ।prāṇāpānau tathā vyānamudānaṃ ca samānakam |ப்ராணாபாநௌ ததா வ்யாநமுதாநம் ச ஸமாநகம் ।

वज्रहस्ता च मे रक्षेत्प्राणं कल्याणशोभना ॥ ३७ ॥vajrahastā ca me rakṣetprāṇaṃ kalyāṇaśobhanā || 37 ||வஜ்ரஹஸ்தா ச மே ரக்ஷேத்ப்ராணம் கல்யாணஶோபநா ॥ 37 ॥

श्लोक 38

रसे रूपे च गन्धे च शब्दे स्पर्शे च योगिनी ।rase rūpe ca gandhe ca śabde sparśe ca yoginī |ரஸே ரூபே ச கந்தே ச ஶப்தே ஸ்பர்ஶே ச யோகிநீ ।

सत्त्वं रजस्तमश्चैव रक्षेन्नारायणी सदा ॥ ३८ ॥sattvaṃ rajastamaścaiva rakṣennārāyaṇī sadā || 38 ||ஸத்த்வம் ரஜஸ்தமஶ்சைவ ரக்ஷேந்நாராயணீ ஸதா ॥ 38 ॥

श्लोक 39

आयू रक्षतु वाराही धर्मं रक्षतु वैष्णवी ।āyū rakṣatu vārāhī dharmaṃ rakṣatu vaiṣṇavī |ஆயூ ரக்ஷது வாராஹீ தர்மம் ரக்ஷது வைஷ்ணவீ ।

यशः कीर्तिं च लक्ष्मीं च धनं विद्यां च चक्रिणी ॥ ३९ ॥yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39 ||யஶஃ கீர்திம் ச லக்ஷ்மீம் ச தநம் வித்யாம் ச சக்ரிணீ ॥ 39 ॥

श्लोक 40

गोत्रमिन्द्राणि मे रक्षेत्पशून्मे रक्ष चण्डिके ।gotramindrāṇi me rakṣetpaśūnme rakṣa caṇḍike |கோத்ரமிந்த்ராணி மே ரக்ஷேத்பஶூந்மே ரக்ஷ சண்டிகே ।

पुत्रान् रक्षेन्महालक्ष्मीर्भार्यां रक्षतु भैरवी ॥ ४० ॥putrān rakṣenmahālakṣmīrbhāryāṃ rakṣatu bhairavī || 40 ||புத்ராந் ரக்ஷேந்மஹாலக்ஷ்மீர்பார்யாம் ரக்ஷது பைரவீ ॥ 40 ॥

श्लोक 41

पन्थानं सुपथा रक्षेन्मार्गं क्षेमकरी तथा ।panthānaṃ supathā rakṣenmārgaṃ kṣemakarī tathā |பந்தாநம் ஸுபதா ரக்ஷேந்மார்கம் க்ஷேமகரீ ததா ।

राजद्वारे महालक्ष्मीर्विजया सर्वतः स्थिता ॥ ४१ ॥rājadvāre mahālakṣmīrvijayā sarvataḥ sthitā || 41 ||ராஜத்வாரே மஹாலக்ஷ்மீர்விஜயா ஸர்வதஃ ஸ்திதா ॥ 41 ॥

श्लोक 42

रक्षाहीनं तु यत्स्थानं वर्जितं कवचेन तु ।rakṣāhīnaṃ tu yatsthānaṃ varjitaṃ kavacena tu |ரக்ஷாஹீநம் து யத்ஸ்தாநம் வர்ஜிதம் கவசேந து ।

तत्सर्वं रक्ष मे देवि जयन्ती पापनाशिनी ॥ ४२ ॥tatsarvaṃ rakṣa me devi jayantī pāpanāśinī || 42 ||தத்ஸர்வம் ரக்ஷ மே தேவி ஜயந்தீ பாபநாஶிநீ ॥ 42 ॥

श्लोक 43

पदमेकं न गच्छेत्तु यदीच्छेच्छुभमात्मनः ।padamekaṃ na gacchettu yadīcchecchubhamātmanaḥ |பதமேகம் ந கச்சேத்து யதீச்சேச்சுபமாத்மநஃ ।

कवचेनावृतो नित्यं यत्र यत्रैव गच्छति ॥ ४३ ॥kavacenāvṛto nityaṃ yatra yatraiva gacchati || 43 ||கவசேநாவ்ருதோ நித்யம் யத்ர யத்ரைவ கச்சதி ॥ 43 ॥

श्लोक 44

तत्र तत्रार्थलाभश्च विजयः सार्वकामिकः ।tatra tatrārthalābhaśca vijayaḥ sārvakāmikaḥ |தத்ர தத்ரார்தலாபஶ்ச விஜயஃ ஸார்வகாமிகஃ ।

यं यं चिन्तयते कामं तं तं प्राप्नोति निश्चितम्।yaṃ yaṃ cintayate kāmaṃ taṃ taṃ prāpnoti niścitam|யம் யம் சிந்தயதே காமம் தம் தம் ப்ராப்நோதி நிஶ்சிதம்।

परमैश्वर्यमतुलं प्राप्स्यते भूतले पुमान् ॥ ४४ ॥paramaiśvaryamatulaṃ prāpsyate bhūtale pumān || 44 ||பரமைஶ்வர்யமதுலம் ப்ராப்ஸ்யதே பூதலே புமாந் ॥ 44 ॥

श्लोक 45

निर्भयो जायते मर्त्यः संग्रामेष्वपराजितः ।nirbhayo jāyate martyaḥ saṃgrāmeṣvaparājitaḥ |நிர்பயோ ஜாயதே மர்த்யஃ ஸம்க்ராமேஷ்வபராஜிதஃ ।

त्रैलोक्ये तु भवेत्पूज्यः कवचेनावृतः पुमान् ॥ ४५ ॥trailokye tu bhavetpūjyaḥ kavacenāvṛtaḥ pumān || 45 ||த்ரைலோக்யே து பவேத்பூஜ்யஃ கவசேநாவ்ருதஃ புமாந் ॥ 45 ॥

श्लोक 46

इदं तु देव्याः कवचं देवानामपि दुर्लभम् ।idaṃ tu devyāḥ kavacaṃ devānāmapi durlabham |இதம் து தேவ்யாஃ கவசம் தேவாநாமபி துர்லபம் ।

यः पठेत्प्रयतो नित्यं त्रिसन्ध्यं श्रद्धयान्वितः ॥ ४६ ॥yaḥ paṭhetprayato nityaṃ trisandhyaṃ śraddhayānvitaḥ || 46 ||யஃ படேத்ப்ரயதோ நித்யம் த்ரிஸந்த்யம் ஶ்ரத்தயாந்விதஃ ॥ 46 ॥

श्लोक 47

दैवी कला भवेत्तस्य त्रैलोक्येष्वपराजितः ।daivī kalā bhavettasya trailokyeṣvaparājitaḥ |தைவீ கலா பவேத்தஸ்ய த்ரைலோக்யேஷ்வபராஜிதஃ ।

जीवेद् वर्षशतं साग्रमपमृत्युविवर्जितः ॥ ४७ ॥jīved varṣaśataṃ sāgramapamṛtyuvivarjitaḥ || 47 ||ஜீவேத் வர்ஷஶதம் ஸாக்ரமபம்ருத்யுவிவர்ஜிதஃ ॥ 47 ॥

श्लोक 48

नश्यन्ति व्याधयः सर्वे लूताविस्फोटकादयः ।naśyanti vyādhayaḥ sarve lūtāvisphoṭakādayaḥ |நஶ்யந்தி வ்யாதயஃ ஸர்வே லூதாவிஸ்போடகாதயஃ ।

स्थावरं जङ्गमं चैव कृत्रिमं चापि यद्विषम् ॥ ४८ ॥sthāvaraṃ jaṅgamaṃ caiva kṛtrimaṃ cāpi yadviṣam || 48 ||ஸ்தாவரம் ஜங்கமம் சைவ க்ருத்ரிமம் சாபி யத்விஷம் ॥ 48 ॥

श्लोक 49

अभिचाराणि सर्वाणि मन्त्रयन्त्राणि भूतले ।abhicārāṇi sarvāṇi mantrayantrāṇi bhūtale |அபிசாராணி ஸர்வாணி மந்த்ரயந்த்ராணி பூதலே ।

भूचराः खेचराश्चैव जलजाश्चौपदेशिकाः ॥ ४९ ॥bhūcarāḥ khecarāścaiva jalajāścaupadeśikāḥ || 49 ||பூசராஃ கேசராஶ்சைவ ஜலஜாஶ்சௌபதேஶிகாஃ ॥ 49 ॥

श्लोक 50

सहजा कुलजा माला डाकिनी शाकिनी तथा ।sahajā kulajā mālā ḍākinī śākinī tathā |ஸஹஜா குலஜா மாலா டாகிநீ ஶாகிநீ ததா ।

अन्तरिक्षचरा घोरा डाकिन्यश्च महाबलाः ॥ ५० ॥antarikṣacarā ghorā ḍākinyaśca mahābalāḥ || 50 ||அந்தரிக்ஷசரா கோரா டாகிந்யஶ்ச மஹாபலாஃ ॥ 50 ॥

श्लोक 51

ग्रहभूतपिशाचाश्च यक्षगन्धर्वराक्षसाः ।grahabhūtapiśācāśca yakṣagandharvarākṣasāḥ |க்ரஹபூதபிஶாசாஶ்ச யக்ஷகந்தர்வராக்ஷஸாஃ ।

ब्रह्मराक्षसवेतालाः कूष्माण्डा भैरवादयः ॥ ५१ ॥brahmarākṣasavetālāḥ kūṣmāṇḍā bhairavādayaḥ || 51 ||ப்ரஹ்மராக்ஷஸவேதாலாஃ கூஷ்மாண்டா பைரவாதயஃ ॥ 51 ॥

श्लोक 52

नश्यन्ति दर्शनात्तस्य कवचे हृदि संस्थिते ।naśyanti darśanāttasya kavace hṛdi saṃsthite |நஶ்யந்தி தர்ஶநாத்தஸ்ய கவசே ஹ்ருதி ஸம்ஸ்திதே ।

मानोन्नतिर्भवेद् राज्ञस्तेजोवृद्धिकरं परम् ॥ ५२ ॥mānonnatirbhaved rājñastejovṛddhikaraṃ param || 52 ||மாநோந்நதிர்பவேத் ராஜ்ஞஸ்தேஜோவ்ருத்திகரம் பரம் ॥ 52 ॥

श्लोक 53

यशसा वर्धते सोऽपि कीर्तिमण्डितभूतले ।yaśasā vardhate so'pi kīrtimaṇḍitabhūtale |யஶஸா வர்ததே ஸோபி கீர்திமண்டிதபூதலே ।

जपेत्सप्तशतीं चण्डीं कृत्वा तु कवचं पुरा ॥ ५३ ॥japetsaptaśatīṃ caṇḍīṃ kṛtvā tu kavacaṃ purā || 53 ||ஜபேத்ஸப்தஶதீம் சண்டீம் க்ருத்வா து கவசம் புரா ॥ 53 ॥

श्लोक 54

यावद्भूमण्डलं धत्ते सशैलवनकाननम् ।yāvadbhūmaṇḍalaṃ dhatte saśailavanakānanam |யாவத்பூமண்டலம் தத்தே ஸஶைலவநகாநநம் ।

तावत्तिष्ठति मेदिन्यां सन्ततिः पुत्रपौत्रिकी ॥ ५४ ॥tāvattiṣṭhati medinyāṃ santatiḥ putrapautrikī || 54 ||தாவத்திஷ்டதி மேதிந்யாம் ஸந்ததிஃ புத்ரபௌத்ரிகீ ॥ 54 ॥

श्लोक 55

देहान्ते परमं स्थानं यत्सुरैरपि दुर्लभम् ।dehānte paramaṃ sthānaṃ yatsurairapi durlabham |தேஹாந்தே பரமம் ஸ்தாநம் யத்ஸுரைரபி துர்லபம் ।

प्राप्नोति पुरुषो नित्यं महामायाप्रसादतः॥ ५५ ॥prāpnoti puruṣo nityaṃ mahāmāyāprasādataḥ|| 55 ||ப்ராப்நோதி புருஷோ நித்யம் மஹாமாயாப்ரஸாததஃ॥ 55 ॥

श्लोक 56

लभते परमं रूपं शिवेन सह मोदते ॥ ॐ ॥ ५६ ॥labhate paramaṃ rūpaṃ śivena saha modate || oṃ || 56 ||லபதே பரமம் ரூபம் ஶிவேந ஸஹ மோததே ॥ ௐ ॥ 56 ॥