Devi Kavacham (Durga Kavach) देवी कवच (दुर्गा कवच)

अथ देव्याः कवचम्atha devyāḥ kavacamঅথ দেব্যাঃ কবচম্

ॐ अस्य श्रीचण्डीकवचस्य ब्रह्मा ऋषिः अनुष्टुप् छन्दः चामुण्डा देवता अङ्गन्यासोक्तमातरो बीजम् दिग्बन्धदेवतास्तत्त्वम्oṃ asya śrīcaṇḍīkavacasya brahmā ṛṣiḥ anuṣṭup chandaḥ cāmuṇḍā devatā aṅganyāsoktamātaro bījam digbandhadevatāstattvamওঁ অস্য শ্রীচণ্ডীকবচস্য ব্রহ্মা ঋষিঃ অনুষ্টুপ্ ছন্দঃ চামুণ্ডা দেবতা অঙ্গন্যাসোক্তমাতরো বীজম্ দিগ্বন্ধদেবতাস্তত্ত্বম্

श्रीजगदम्बाप्रीत्यर्थे सप्तशतीपाठाङ्गत्वेन जपे विनियोगः ।śrījagadambāprītyarthe saptaśatīpāṭhāṅgatvena jape viniyogaḥ |শ্রীজগদম্বাপ্রীত্যর্থে সপ্তশতীপাঠাঙ্গত্বেন জপে বিনিযোগঃ ।

ॐ नमश्चण्डिकायै ॥oṃ namaścaṇḍikāyai ||ওঁ নমশ্চণ্ডিকাযৈ ॥

Shloka 1

ॐ यद्गुह्यं परमं लोके सर्वरक्षाकरं नृणाम् ।oṃ yadguhyaṃ paramaṃ loke sarvarakṣākaraṃ nṛṇām |ওঁ যদ্গুহ্যং পরমং লোকে সর্বরক্ষাকরং নৃণাম্ ।

यन्न कस्यचिदाख्यातं तन्मे ब्रूहि पितामह ॥ १ ॥yanna kasyacidākhyātaṃ tanme brūhi pitāmaha || 1 ||যন্ন কস্যচিদাখ্যাতং তন্মে ব্রূহি পিতামহ ॥ 1 ॥

Shloka 2

अस्ति गुह्यतमं विप्र सर्वभूतोपकारकम् ।asti guhyatamaṃ vipra sarvabhūtopakārakam |অস্তি গুহ্যতমং বিপ্র সর্বভূতোপকারকম্ ।

देव्यास्तु कवचं पुण्यं तच्छृणुष्व महामुने ॥ २ ॥devyāstu kavacaṃ puṇyaṃ tacchṛṇuṣva mahāmune || 2 ||দেব্যাস্তু কবচং পুণ্যং তচ্ছৃণুষ্ব মহামুনে ॥ 2 ॥

Shloka 3

प्रथमं शैलपुत्री च द्वितीयं ब्रह्मचारिणी ।prathamaṃ śailaputrī ca dvitīyaṃ brahmacāriṇī |প্রথমং শৈলপুত্রী চ দ্বিতীযং ব্রহ্মচারিণী ।

तृतीयं चन्द्रघण्टेति कूष्माण्डेति चतुर्थकम् ॥ ३ ॥tṛtīyaṃ candraghaṇṭeti kūṣmāṇḍeti caturthakam || 3 ||তৃতীযং চন্দ্রঘণ্টেতি কূষ্মাণ্ডেতি চতুর্থকম্ ॥ 3 ॥

Shloka 4

पञ्चमं स्कन्दमातेति षष्ठं कात्यायनीति च ।pañcamaṃ skandamāteti ṣaṣṭhaṃ kātyāyanīti ca |পঞ্চমং স্কন্দমাতেতি ষষ্ঠং কাত্যাযনীতি চ ।

सप्तमं कालरात्रीति महागौरीति चाष्टमम् ॥ ४ ॥saptamaṃ kālarātrīti mahāgaurīti cāṣṭamam || 4 ||সপ্তমং কালরাত্রীতি মহাগৌরীতি চাষ্টমম্ ॥ 4 ॥

Shloka 5

नवमं सिद्धिदात्री च नवदुर्गाः प्रकीर्तिताः ।navamaṃ siddhidātrī ca navadurgāḥ prakīrtitāḥ |নবমং সিদ্ধিদাত্রী চ নবদুর্গাঃ প্রকীর্তিতাঃ ।

उक्तान्येतानि नामानि ब्रह्मणैव महात्मना ॥ ५ ॥uktānyetāni nāmāni brahmaṇaiva mahātmanā || 5 ||উক্তান্যেতানি নামানি ব্রহ্মণৈব মহাত্মনা ॥ 5 ॥

Shloka 6

अग्निना दह्यमानस्तु शत्रुमध्ये गतो रणे ।agninā dahyamānastu śatrumadhye gato raṇe |অগ্নিনা দহ্যমানস্তু শত্রুমধ্যে গতো রণে ।

विषमे दुर्गमे चैव भयार्ताः शरणं गताः ॥ ६ ॥viṣame durgame caiva bhayārtāḥ śaraṇaṃ gatāḥ || 6 ||বিষমে দুর্গমে চৈব ভযার্তাঃ শরণং গতাঃ ॥ 6 ॥

Shloka 7

न तेषां जायते किंचिदशुभं रणसंकटे ।na teṣāṃ jāyate kiṃcidaśubhaṃ raṇasaṃkaṭe |ন তেষাং জাযতে কিংচিদশুভং রণসংকটে ।

नापदं तस्य पश्यामि शोकदुःखभयं न हि ॥ ७ ॥nāpadaṃ tasya paśyāmi śokaduḥkhabhayaṃ na hi || 7 ||নাপদং তস্য পশ্যামি শোকদুঃখভযং ন হি ॥ 7 ॥

Shloka 8

यैस्तु भक्त्या स्मृता नूनं तेषां वृद्धिः प्रजायते ।yaistu bhaktyā smṛtā nūnaṃ teṣāṃ vṛddhiḥ prajāyate |যৈস্তু ভক্ত্যা স্মৃতা নূনং তেষাং বৃদ্ধিঃ প্রজাযতে ।

ये त्वां स्मरन्ति देवेशि रक्षसे तान्न संशयः ॥ ८ ॥ye tvāṃ smaranti deveśi rakṣase tānna saṃśayaḥ || 8 ||যে ত্বাং স্মরন্তি দেবেশি রক্ষসে তান্ন সংশযঃ ॥ 8 ॥

Shloka 9

प्रेतसंस्था तु चामुण्डा वाराही महिषासना ।pretasaṃsthā tu cāmuṇḍā vārāhī mahiṣāsanā |প্রেতসংস্থা তু চামুণ্ডা বারাহী মহিষাসনা ।

ऐन्द्री गजसमारूढा वैष्णवी गरुडासना ॥ ९ ॥aindrī gajasamārūḍhā vaiṣṇavī garuḍāsanā || 9 ||ঐন্দ্রী গজসমারূঢা বৈষ্ণবী গরুডাসনা ॥ 9 ॥

Shloka 10

माहेश्वरी वृषारूढा कौमारी शिखिवाहना ।māheśvarī vṛṣārūḍhā kaumārī śikhivāhanā |মাহেশ্বরী বৃষারূঢা কৌমারী শিখিবাহনা ।

लक्ष्मीः पद्मासना देवी पद्महस्ता हरिप्रिया ॥ १० ॥lakṣmīḥ padmāsanā devī padmahastā haripriyā || 10 ||লক্ষ্মীঃ পদ্মাসনা দেবী পদ্মহস্তা হরিপ্রিযা ॥ 10 ॥

Shloka 11

श्वेतरूपधरा देवी ईश्वरी वृषवाहना ।śvetarūpadharā devī īśvarī vṛṣavāhanā |শ্বেতরূপধরা দেবী ঈশ্বরী বৃষবাহনা ।

ब्राह्मी हंससमारूढा सर्वाभरणभूषिता ॥ ११ ॥brāhmī haṃsasamārūḍhā sarvābharaṇabhūṣitā || 11 ||ব্রাহ্মী হংসসমারূঢা সর্বাভরণভূষিতা ॥ 11 ॥

Shloka 12

इत्येता मातरः सर्वाः सर्वयोगसमन्विताः ।ityetā mātaraḥ sarvāḥ sarvayogasamanvitāḥ |ইত্যেতা মাতরঃ সর্বাঃ সর্বযোগসমন্বিতাঃ ।

नानाभरणशोभाढ्या नानारत्नोपशोभिताः ॥ १२ ॥nānābharaṇaśobhāḍhyā nānāratnopaśobhitāḥ || 12 ||নানাভরণশোভাঢ্যা নানারত্নোপশোভিতাঃ ॥ 12 ॥

Shloka 13

दृश्यन्ते रथमारूढा देव्यः क्रोधसमाकुलाः ।dṛśyante rathamārūḍhā devyaḥ krodhasamākulāḥ |দৃশ্যন্তে রথমারূঢা দেব্যঃ ক্রোধসমাকুলাঃ ।

शङ्खं चक्रं गदां शक्तिं हलं च मुसलायुधम् ॥ १३ ॥śaṅkhaṃ cakraṃ gadāṃ śaktiṃ halaṃ ca musalāyudham || 13 ||শঙ্খং চক্রং গদাং শক্তিং হলং চ মুসলাযুধম্ ॥ 13 ॥

Shloka 14

खेटकं तोमरं चैव परशुं पाशमेव च ।kheṭakaṃ tomaraṃ caiva paraśuṃ pāśameva ca |খেটকং তোমরং চৈব পরশুং পাশমেব চ ।

कुन्तायुधं त्रिशूलं च शार्ङ्गमायुधमुत्तमम् ॥ १४ ॥kuntāyudhaṃ triśūlaṃ ca śārṅgamāyudhamuttamam || 14 ||কুন্তাযুধং ত্রিশূলং চ শার্ঙ্গমাযুধমুত্তমম্ ॥ 14 ॥

Shloka 15

दैत्यानां देहनाशाय भक्तानामभयाय च ।daityānāṃ dehanāśāya bhaktānāmabhayāya ca |দৈত্যানাং দেহনাশায ভক্তানামভযায চ ।

धारयन्त्यायुधानीत्थं देवानां च हिताय वै ॥ १५ ॥dhārayantyāyudhānītthaṃ devānāṃ ca hitāya vai || 15 ||ধারযন্ত্যাযুধানীত্থং দেবানাং চ হিতায বৈ ॥ 15 ॥

Shloka 16

नमस्तेऽस्तु महारौद्रे महाघोर पराक्रमे ।namaste'stu mahāraudre mahāghora parākrame |নমস্তেঽস্তু মহারৌদ্রে মহাঘোর পরাক্রমে ।

महाबले महोत्साहे महाभयविनाशिनि ॥ १६ ॥mahābale mahotsāhe mahābhayavināśini || 16 ||মহাবলে মহোত্সাহে মহাভযবিনাশিনি ॥ 16 ॥

Shloka 17

त्राहि मां देवि दुष्प्रेक्ष्ये शत्रूणां भयवर्द्धिनि ।trāhi māṃ devi duṣprekṣye śatrūṇāṃ bhayavarddhini |ত্রাহি মাং দেবি দুষ্প্রেক্ষ্যে শত্রূণাং ভযবর্দ্ধিনি ।

प्राच्यां रक्षतु मामैन्द्री आग्नेय्यामग्निदेवता ॥ १७ ॥prācyāṃ rakṣatu māmaindrī āgneyyāmagnidevatā || 17 ||প্রাচ্যাং রক্ষতু মামৈন্দ্রী আগ্নেয্যামগ্নিদেবতা ॥ 17 ॥

Shloka 18

दक्षिणेऽवतु वाराही नैर्ऋत्यां खड्गधारिणी ।dakṣiṇe'vatu vārāhī nairṛtyāṃ khaḍgadhāriṇī |দক্ষিণেঽবতু বারাহী নৈর্ঋত্যাং খড্গধারিণী ।

प्रतीच्यां वारुणी रक्षेद् वायव्यां मृगवाहिनी ॥ १८ ॥pratīcyāṃ vāruṇī rakṣed vāyavyāṃ mṛgavāhinī || 18 ||প্রতীচ্যাং বারুণী রক্ষেদ্ বাযব্যাং মৃগবাহিনী ॥ 18 ॥

Shloka 19

उदीच्यां पातु कौमारी ऐशान्यां शूलधारिणी ।udīcyāṃ pātu kaumārī aiśānyāṃ śūladhāriṇī |উদীচ্যাং পাতু কৌমারী ঐশান্যাং শূলধারিণী ।

ऊर्ध्वं ब्रह्माणि मे रक्षेदधस्ताद् वैष्णवी तथा ॥ १९ ॥ūrdhvaṃ brahmāṇi me rakṣedadhastād vaiṣṇavī tathā || 19 ||ঊর্ধ্বং ব্রহ্মাণি মে রক্ষেদধস্তাদ্ বৈষ্ণবী তথা ॥ 19 ॥

Shloka 20

एवं दश दिशो रक्षेच्चामुण्डा शववाहना ।evaṃ daśa diśo rakṣeccāmuṇḍā śavavāhanā |এবং দশ দিশো রক্ষেচ্চামুণ্ডা শববাহনা ।

जया मे चाग्रतः पातु विजया पातु पृष्ठतः ॥ २० ॥jayā me cāgrataḥ pātu vijayā pātu pṛṣṭhataḥ || 20 ||জযা মে চাগ্রতঃ পাতু বিজযা পাতু পৃষ্ঠতঃ ॥ 20 ॥

Shloka 21

अजिता वामपार्श्वे तु दक्षिणे चापराजिता ।ajitā vāmapārśve tu dakṣiṇe cāparājitā |অজিতা বামপার্শ্বে তু দক্ষিণে চাপরাজিতা ।

शिखामुद्योतिनी रक्षेदुमा मूर्ध्नि व्यवस्थिता ॥ २१ ॥śikhāmudyotinī rakṣedumā mūrdhni vyavasthitā || 21 ||শিখামুদ্যোতিনী রক্ষেদুমা মূর্ধ্নি ব্যবস্থিতা ॥ 21 ॥

Shloka 22

मालाधरी ललाटे च भ्रुवौ रक्षेद् यशस्विनी ।mālādharī lalāṭe ca bhruvau rakṣed yaśasvinī |মালাধরী ললাটে চ ভ্রুবৌ রক্ষেদ্ যশস্বিনী ।

त्रिनेत्रा च भ्रुवोर्मध्ये यमघण्टा च नासिके ॥ २२ ॥trinetrā ca bhruvormadhye yamaghaṇṭā ca nāsike || 22 ||ত্রিনেত্রা চ ভ্রুবোর্মধ্যে যমঘণ্টা চ নাসিকে ॥ 22 ॥

Shloka 23

शङ्खिनी चक्षुषोर्मध्ये श्रोत्रयोर्द्वारवासिनी ।śaṅkhinī cakṣuṣormadhye śrotrayordvāravāsinī |শঙ্খিনী চক্ষুষোর্মধ্যে শ্রোত্রযোর্দ্বারবাসিনী ।

कपोलौ कालिका रक्षेत्कर्णमूले तु शाङ्करी ॥ २३ ॥kapolau kālikā rakṣetkarṇamūle tu śāṅkarī || 23 ||কপোলৌ কালিকা রক্ষেত্কর্ণমূলে তু শাঙ্করী ॥ 23 ॥

Shloka 24

नासिकायां सुगन्धा च उत्तरोष्ठे च चर्चिका ।nāsikāyāṃ sugandhā ca uttaroṣṭhe ca carcikā |নাসিকাযাং সুগন্ধা চ উত্তরোষ্ঠে চ চর্চিকা ।

अधरे चामृतकला जिह्वायां च सरस्वती ॥ २४ ॥adhare cāmṛtakalā jihvāyāṃ ca sarasvatī || 24 ||অধরে চামৃতকলা জিহ্বাযাং চ সরস্বতী ॥ 24 ॥

Shloka 25

दन्तान् रक्षतु कौमारी कण्ठदेशे तु चण्डिका ।dantān rakṣatu kaumārī kaṇṭhadeśe tu caṇḍikā |দন্তান্ রক্ষতু কৌমারী কণ্ঠদেশে তু চণ্ডিকা ।

घण्टिकां चित्रघण्टा च महामाया च तालुके ॥ २५ ॥ghaṇṭikāṃ citraghaṇṭā ca mahāmāyā ca tāluke || 25 ||ঘণ্টিকাং চিত্রঘণ্টা চ মহামাযা চ তালুকে ॥ 25 ॥

Shloka 26

कामाक्षी चिबुकं रक्षेद् वाचं मे सर्वमङ्गला ।kāmākṣī cibukaṃ rakṣed vācaṃ me sarvamaṅgalā |কামাক্ষী চিবুকং রক্ষেদ্ বাচং মে সর্বমঙ্গলা ।

ग्रीवायां भद्रकाली च पृष्ठवंशे धनुर्धरी ॥ २६ ॥grīvāyāṃ bhadrakālī ca pṛṣṭhavaṃśe dhanurdharī || 26 ||গ্রীবাযাং ভদ্রকালী চ পৃষ্ঠবংশে ধনুর্ধরী ॥ 26 ॥

Shloka 27

नीलग्रीवा बहिःकण्ठे नलिकां नलकूबरी ।nīlagrīvā bahiḥkaṇṭhe nalikāṃ nalakūbarī |নীলগ্রীবা বহিঃকণ্ঠে নলিকাং নলকূবরী ।

स्कन्धयोः खड्गिनी रक्षेद् बाहू मे वज्रधारिणी ॥ २७ ॥skandhayoḥ khaḍginī rakṣed bāhū me vajradhāriṇī || 27 ||স্কন্ধযোঃ খড্গিনী রক্ষেদ্ বাহূ মে বজ্রধারিণী ॥ 27 ॥

Shloka 28

हस्तयोर्दण्डिनी रक्षेदम्बिका चाङ्गुलीषु च ।hastayordaṇḍinī rakṣedambikā cāṅgulīṣu ca |হস্তযোর্দণ্ডিনী রক্ষেদম্বিকা চাঙ্গুলীষু চ ।

नखाञ्छूलेश्वरी रक्षेत्कुक्षौ रक्षेत्कुलेश्वरी ॥ २८ ॥nakhāñchūleśvarī rakṣetkukṣau rakṣetkuleśvarī || 28 ||নখাঞ্ছূলেশ্বরী রক্ষেত্কুক্ষৌ রক্ষেত্কুলেশ্বরী ॥ 28 ॥

Shloka 29

स्तनौ रक्षेन्महादेवी मनः शोकविनाशिनी ।stanau rakṣenmahādevī manaḥ śokavināśinī |স্তনৌ রক্ষেন্মহাদেবী মনঃ শোকবিনাশিনী ।

हृदये ललिता देवी उदरे शूलधारिणी ॥ २९ ॥hṛdaye lalitā devī udare śūladhāriṇī || 29 ||হৃদযে ললিতা দেবী উদরে শূলধারিণী ॥ 29 ॥

Shloka 30

नाभौ च कामिनी रक्षेद् गुह्यं गुह्येश्वरी तथा ।nābhau ca kāminī rakṣed guhyaṃ guhyeśvarī tathā |নাভৌ চ কামিনী রক্ষেদ্ গুহ্যং গুহ্যেশ্বরী তথা ।

पूतना कामिका मेढ्रं गुदे महिषवाहिनी ॥ ३० ॥pūtanā kāmikā meḍhraṃ gude mahiṣavāhinī || 30 ||পূতনা কামিকা মেঢ্রং গুদে মহিষবাহিনী ॥ 30 ॥

Shloka 31

कट्यां भगवती रक्षेज्जानुनी विन्ध्यवासिनी ।kaṭyāṃ bhagavatī rakṣejjānunī vindhyavāsinī |কট্যাং ভগবতী রক্ষেজ্জানুনী বিন্ধ্যবাসিনী ।

जङ्घे महाबला रक्षेत्सर्वकामप्रदायिनी ॥ ३१ ॥jaṅghe mahābalā rakṣetsarvakāmapradāyinī || 31 ||জঙ্ঘে মহাবলা রক্ষেত্সর্বকামপ্রদাযিনী ॥ 31 ॥

Shloka 32

गुल्फयोर्नारसिंही च पादपृष्ठे तु तैजसी ।gulphayornārasiṃhī ca pādapṛṣṭhe tu taijasī |গুল্ফযোর্নারসিংহী চ পাদপৃষ্ঠে তু তৈজসী ।

पादाङ्गुलीषु श्री रक्षेत्पादाधस्तलवासिनी ॥ ३२ ॥pādāṅgulīṣu śrī rakṣetpādādhastalavāsinī || 32 ||পাদাঙ্গুলীষু শ্রী রক্ষেত্পাদাধস্তলবাসিনী ॥ 32 ॥

Shloka 33

नखान् दंष्ट्राकराली च केशांश्चैवोर्ध्वकेशिनी ।nakhān daṃṣṭrākarālī ca keśāṃścaivordhvakeśinī |নখান্ দংষ্ট্রাকরালী চ কেশাংশ্চৈবোর্ধ্বকেশিনী ।

रोमकूपेषु कौबेरी त्वचं वागीश्वरी तथा ॥ ३३ ॥romakūpeṣu kauberī tvacaṃ vāgīśvarī tathā || 33 ||রোমকূপেষু কৌবেরী ত্বচং বাগীশ্বরী তথা ॥ 33 ॥

Shloka 34

रक्तमज्जावसामांसान्यस्थिमेदांसि पार्वती ।raktamajjāvasāmāṃsānyasthimedāṃsi pārvatī |রক্তমজ্জাবসামাংসান্যস্থিমেদাংসি পার্বতী ।

अन्त्राणि कालरात्रिश्च पित्तं च मुकुटेश्वरी ॥ ३४ ॥antrāṇi kālarātriśca pittaṃ ca mukuṭeśvarī || 34 ||অন্ত্রাণি কালরাত্রিশ্চ পিত্তং চ মুকুটেশ্বরী ॥ 34 ॥

Shloka 35

पद्मावती पद्मकोशे कफे चूडामणिस्तथा ।padmāvatī padmakośe kaphe cūḍāmaṇistathā |পদ্মাবতী পদ্মকোশে কফে চূডামণিস্তথা ।

ज्वालामुखी नखज्वालामभेद्या सर्वसन्धिषु ॥ ३५ ॥jvālāmukhī nakhajvālāmabhedyā sarvasandhiṣu || 35 ||জ্বালামুখী নখজ্বালামভেদ্যা সর্বসন্ধিষু ॥ 35 ॥

Shloka 36

शुक्रं ब्रह्माणि मे रक्षेच्छायां छत्रेश्वरी तथा ।śukraṃ brahmāṇi me rakṣecchāyāṃ chatreśvarī tathā |শুক্রং ব্রহ্মাণি মে রক্ষেচ্ছাযাং ছত্রেশ্বরী তথা ।

अहंकारं मनो बुद्धिं रक्षेन्मे धर्मधारिणी ॥ ३६ ॥ahaṃkāraṃ mano buddhiṃ rakṣenme dharmadhāriṇī || 36 ||অহংকারং মনো বুদ্ধিং রক্ষেন্মে ধর্মধারিণী ॥ 36 ॥

Shloka 37

प्राणापानौ तथा व्यानमुदानं च समानकम् ।prāṇāpānau tathā vyānamudānaṃ ca samānakam |প্রাণাপানৌ তথা ব্যানমুদানং চ সমানকম্ ।

वज्रहस्ता च मे रक्षेत्प्राणं कल्याणशोभना ॥ ३७ ॥vajrahastā ca me rakṣetprāṇaṃ kalyāṇaśobhanā || 37 ||বজ্রহস্তা চ মে রক্ষেত্প্রাণং কল্যাণশোভনা ॥ 37 ॥

Shloka 38

रसे रूपे च गन्धे च शब्दे स्पर्शे च योगिनी ।rase rūpe ca gandhe ca śabde sparśe ca yoginī |রসে রূপে চ গন্ধে চ শব্দে স্পর্শে চ যোগিনী ।

सत्त्वं रजस्तमश्चैव रक्षेन्नारायणी सदा ॥ ३८ ॥sattvaṃ rajastamaścaiva rakṣennārāyaṇī sadā || 38 ||সত্ত্বং রজস্তমশ্চৈব রক্ষেন্নারাযণী সদা ॥ 38 ॥

Shloka 39

आयू रक्षतु वाराही धर्मं रक्षतु वैष्णवी ।āyū rakṣatu vārāhī dharmaṃ rakṣatu vaiṣṇavī |আযূ রক্ষতু বারাহী ধর্মং রক্ষতু বৈষ্ণবী ।

यशः कीर्तिं च लक्ष्मीं च धनं विद्यां च चक्रिणी ॥ ३९ ॥yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39 ||যশঃ কীর্তিং চ লক্ষ্মীং চ ধনং বিদ্যাং চ চক্রিণী ॥ 39 ॥

Shloka 40

गोत्रमिन्द्राणि मे रक्षेत्पशून्मे रक्ष चण्डिके ।gotramindrāṇi me rakṣetpaśūnme rakṣa caṇḍike |গোত্রমিন্দ্রাণি মে রক্ষেত্পশূন্মে রক্ষ চণ্ডিকে ।

पुत्रान् रक्षेन्महालक्ष्मीर्भार्यां रक्षतु भैरवी ॥ ४० ॥putrān rakṣenmahālakṣmīrbhāryāṃ rakṣatu bhairavī || 40 ||পুত্রান্ রক্ষেন্মহালক্ষ্মীর্ভার্যাং রক্ষতু ভৈরবী ॥ 40 ॥

Shloka 41

पन्थानं सुपथा रक्षेन्मार्गं क्षेमकरी तथा ।panthānaṃ supathā rakṣenmārgaṃ kṣemakarī tathā |পন্থানং সুপথা রক্ষেন্মার্গং ক্ষেমকরী তথা ।

राजद्वारे महालक्ष्मीर्विजया सर्वतः स्थिता ॥ ४१ ॥rājadvāre mahālakṣmīrvijayā sarvataḥ sthitā || 41 ||রাজদ্বারে মহালক্ষ্মীর্বিজযা সর্বতঃ স্থিতা ॥ 41 ॥

Shloka 42

रक्षाहीनं तु यत्स्थानं वर्जितं कवचेन तु ।rakṣāhīnaṃ tu yatsthānaṃ varjitaṃ kavacena tu |রক্ষাহীনং তু যত্স্থানং বর্জিতং কবচেন তু ।

तत्सर्वं रक्ष मे देवि जयन्ती पापनाशिनी ॥ ४२ ॥tatsarvaṃ rakṣa me devi jayantī pāpanāśinī || 42 ||তত্সর্বং রক্ষ মে দেবি জযন্তী পাপনাশিনী ॥ 42 ॥

Shloka 43

पदमेकं न गच्छेत्तु यदीच्छेच्छुभमात्मनः ।padamekaṃ na gacchettu yadīcchecchubhamātmanaḥ |পদমেকং ন গচ্ছেত্তু যদীচ্ছেচ্ছুভমাত্মনঃ ।

कवचेनावृतो नित्यं यत्र यत्रैव गच्छति ॥ ४३ ॥kavacenāvṛto nityaṃ yatra yatraiva gacchati || 43 ||কবচেনাবৃতো নিত্যং যত্র যত্রৈব গচ্ছতি ॥ 43 ॥

Shloka 44

तत्र तत्रार्थलाभश्च विजयः सार्वकामिकः ।tatra tatrārthalābhaśca vijayaḥ sārvakāmikaḥ |তত্র তত্রার্থলাভশ্চ বিজযঃ সার্বকামিকঃ ।

यं यं चिन्तयते कामं तं तं प्राप्नोति निश्चितम्।yaṃ yaṃ cintayate kāmaṃ taṃ taṃ prāpnoti niścitam|যং যং চিন্তযতে কামং তং তং প্রাপ্নোতি নিশ্চিতম্।

परमैश्वर्यमतुलं प्राप्स्यते भूतले पुमान् ॥ ४४ ॥paramaiśvaryamatulaṃ prāpsyate bhūtale pumān || 44 ||পরমৈশ্বর্যমতুলং প্রাপ্স্যতে ভূতলে পুমান্ ॥ 44 ॥

Shloka 45

निर्भयो जायते मर्त्यः संग्रामेष्वपराजितः ।nirbhayo jāyate martyaḥ saṃgrāmeṣvaparājitaḥ |নির্ভযো জাযতে মর্ত্যঃ সংগ্রামেষ্বপরাজিতঃ ।

त्रैलोक्ये तु भवेत्पूज्यः कवचेनावृतः पुमान् ॥ ४५ ॥trailokye tu bhavetpūjyaḥ kavacenāvṛtaḥ pumān || 45 ||ত্রৈলোক্যে তু ভবেত্পূজ্যঃ কবচেনাবৃতঃ পুমান্ ॥ 45 ॥

Shloka 46

इदं तु देव्याः कवचं देवानामपि दुर्लभम् ।idaṃ tu devyāḥ kavacaṃ devānāmapi durlabham |ইদং তু দেব্যাঃ কবচং দেবানামপি দুর্লভম্ ।

यः पठेत्प्रयतो नित्यं त्रिसन्ध्यं श्रद्धयान्वितः ॥ ४६ ॥yaḥ paṭhetprayato nityaṃ trisandhyaṃ śraddhayānvitaḥ || 46 ||যঃ পঠেত্প্রযতো নিত্যং ত্রিসন্ধ্যং শ্রদ্ধযান্বিতঃ ॥ 46 ॥

Shloka 47

दैवी कला भवेत्तस्य त्रैलोक्येष्वपराजितः ।daivī kalā bhavettasya trailokyeṣvaparājitaḥ |দৈবী কলা ভবেত্তস্য ত্রৈলোক্যেষ্বপরাজিতঃ ।

जीवेद् वर्षशतं साग्रमपमृत्युविवर्जितः ॥ ४७ ॥jīved varṣaśataṃ sāgramapamṛtyuvivarjitaḥ || 47 ||জীবেদ্ বর্ষশতং সাগ্রমপমৃত্যুবিবর্জিতঃ ॥ 47 ॥

Shloka 48

नश्यन्ति व्याधयः सर्वे लूताविस्फोटकादयः ।naśyanti vyādhayaḥ sarve lūtāvisphoṭakādayaḥ |নশ্যন্তি ব্যাধযঃ সর্বে লূতাবিস্ফোটকাদযঃ ।

स्थावरं जङ्गमं चैव कृत्रिमं चापि यद्विषम् ॥ ४८ ॥sthāvaraṃ jaṅgamaṃ caiva kṛtrimaṃ cāpi yadviṣam || 48 ||স্থাবরং জঙ্গমং চৈব কৃত্রিমং চাপি যদ্বিষম্ ॥ 48 ॥

Shloka 49

अभिचाराणि सर्वाणि मन्त्रयन्त्राणि भूतले ।abhicārāṇi sarvāṇi mantrayantrāṇi bhūtale |অভিচারাণি সর্বাণি মন্ত্রযন্ত্রাণি ভূতলে ।

भूचराः खेचराश्चैव जलजाश्चौपदेशिकाः ॥ ४९ ॥bhūcarāḥ khecarāścaiva jalajāścaupadeśikāḥ || 49 ||ভূচরাঃ খেচরাশ্চৈব জলজাশ্চৌপদেশিকাঃ ॥ 49 ॥

Shloka 50

सहजा कुलजा माला डाकिनी शाकिनी तथा ।sahajā kulajā mālā ḍākinī śākinī tathā |সহজা কুলজা মালা ডাকিনী শাকিনী তথা ।

अन्तरिक्षचरा घोरा डाकिन्यश्च महाबलाः ॥ ५० ॥antarikṣacarā ghorā ḍākinyaśca mahābalāḥ || 50 ||অন্তরিক্ষচরা ঘোরা ডাকিন্যশ্চ মহাবলাঃ ॥ 50 ॥

Shloka 51

ग्रहभूतपिशाचाश्च यक्षगन्धर्वराक्षसाः ।grahabhūtapiśācāśca yakṣagandharvarākṣasāḥ |গ্রহভূতপিশাচাশ্চ যক্ষগন্ধর্বরাক্ষসাঃ ।

ब्रह्मराक्षसवेतालाः कूष्माण्डा भैरवादयः ॥ ५१ ॥brahmarākṣasavetālāḥ kūṣmāṇḍā bhairavādayaḥ || 51 ||ব্রহ্মরাক্ষসবেতালাঃ কূষ্মাণ্ডা ভৈরবাদযঃ ॥ 51 ॥

Shloka 52

नश्यन्ति दर्शनात्तस्य कवचे हृदि संस्थिते ।naśyanti darśanāttasya kavace hṛdi saṃsthite |নশ্যন্তি দর্শনাত্তস্য কবচে হৃদি সংস্থিতে ।

मानोन्नतिर्भवेद् राज्ञस्तेजोवृद्धिकरं परम् ॥ ५२ ॥mānonnatirbhaved rājñastejovṛddhikaraṃ param || 52 ||মানোন্নতির্ভবেদ্ রাজ্ঞস্তেজোবৃদ্ধিকরং পরম্ ॥ 52 ॥

Shloka 53

यशसा वर्धते सोऽपि कीर्तिमण्डितभूतले ।yaśasā vardhate so'pi kīrtimaṇḍitabhūtale |যশসা বর্ধতে সোঽপি কীর্তিমণ্ডিতভূতলে ।

जपेत्सप्तशतीं चण्डीं कृत्वा तु कवचं पुरा ॥ ५३ ॥japetsaptaśatīṃ caṇḍīṃ kṛtvā tu kavacaṃ purā || 53 ||জপেত্সপ্তশতীং চণ্ডীং কৃত্বা তু কবচং পুরা ॥ 53 ॥

Shloka 54

यावद्भूमण्डलं धत्ते सशैलवनकाननम् ।yāvadbhūmaṇḍalaṃ dhatte saśailavanakānanam |যাবদ্ভূমণ্ডলং ধত্তে সশৈলবনকাননম্ ।

तावत्तिष्ठति मेदिन्यां सन्ततिः पुत्रपौत्रिकी ॥ ५४ ॥tāvattiṣṭhati medinyāṃ santatiḥ putrapautrikī || 54 ||তাবত্তিষ্ঠতি মেদিন্যাং সন্ততিঃ পুত্রপৌত্রিকী ॥ 54 ॥

Shloka 55

देहान्ते परमं स्थानं यत्सुरैरपि दुर्लभम् ।dehānte paramaṃ sthānaṃ yatsurairapi durlabham |দেহান্তে পরমং স্থানং যত্সুরৈরপি দুর্লভম্ ।

प्राप्नोति पुरुषो नित्यं महामायाप्रसादतः॥ ५५ ॥prāpnoti puruṣo nityaṃ mahāmāyāprasādataḥ|| 55 ||প্রাপ্নোতি পুরুষো নিত্যং মহামাযাপ্রসাদতঃ॥ 55 ॥

Shloka 56

लभते परमं रूपं शिवेन सह मोदते ॥ ॐ ॥ ५६ ॥labhate paramaṃ rūpaṃ śivena saha modate || oṃ || 56 ||লভতে পরমং রূপং শিবেন সহ মোদতে ॥ ওঁ ॥ 56 ॥